泰式咖哩炒蟹

屬巨蟹座又高既我，成日比人叫做長腳蟹，但偏偏係一名蟹精，真係”本是同根生，相煎何太急”

 我行街市有個小嗜好，就係好中意５點後先去買餸，貪平嘛，好似呢度６隻３點蟹都係幾十蚊，仲要係新鮮蟹，生勾勾的，有時我去過ｄ街市廿蚊一兜都有呀～～

<<泰式咖哩炒蟹>>
材料：

蟹六隻
青椒一個
洋蔥一個
乾蔥一粒

薑片三片

指天椒一隻

雞蛋一隻

清湯蝴蝶腩(電飯煲版)

相信各JM自從用過LC煮飯之後屋企個飯煲都會被冷落～～其實飯煲除左煮飯之外仲用途多多架，可以燉蒸煎煲炆，又唔駛睇火，大家要多多善用佢呀～～ ^^

蝴蝶腩除左牛會有之外豬都會有，價錢仲平好多添，肉檔會稱為”隔山”，有Ｄ肉檔會一碟碟咁賣，我呢度只係$8，真係抵到爛呀，隔黎菜檔$2斤白蘿蔔，呢碌係我手臂既兩倍只係$4，就用佢地黎整個清湯腩啦～～～

泰式生菜包

小妹大愛泰菜, 所以間中都會煮下, 呢個生菜包勁簡單又易做, 泰菜入門篇首選 ^^

材料: 碎豬肉, 蒜頭, 乾蔥, 指天椒, 蔥, 芫茜, basil
調味: 魚露, 青檸汁

滴珠油

滴珠油第一次聽到呢個名係來自"金飯碗", 心諗咩黎架??? "珠"油="豬"油, 嘩...好油膩呀!!!!但其實係指醬油濃得"滴"成“珠”
之後再同老闆傾下, 原來係醬油黎既, 主要用黎炆野同炒粉面, 好似整東玻肉同炒牛河都用到, 上色會靚d, 係d老師傅先識用, 喜歡試新野既我當然要買返樽啦, 而我買呢樽係"九龍醬園"出品的!!!(但我都唔知點解明明叫"九龍"醬園架嘛, 但地址竟然係"中環"囉 =0=")
其實滴珠油係白鑊煮燶沙糖變成焦糖後加入適量麵豉、水和盬而成, 所以個質地係杰身既cream狀, 而個味係淡淡的咸比老抽仲要淡同有焦味,